5 минг ва 10 минг сўмлик банкноталар кўриниши янгиланади
Марказий банк томонидан янги кўринишдаги 5 000 (беш минг) сўмлик ва 10 000 (ўн минг) cўмлик банкнотлар чиқарилади. Бу ҳақда Сенат матбуот хизмати хабар берди.
19 август куни Олий Мажлис Сенати Кенгаши мажлиси бўлиб ўтди. Унда Сенатнинг ўн саккизинчи ялпи мажлисини 2021 йил 26 август куни чақириш тўғрисида қарор қабул қилинди. Мажлис давомида ялпи мажлисда кўриб чиқиладиган масалалар, шу жумладан банкнот ҳақида эълон қилинган.
«Кенгаш мажлисида Марказий банк томонидан янги кўринишдаги 5 000 (беш минг) сўмлик ва 10 000 (ўн минг) cўмлик банкнотларнинг чиқарилиши тўғрисидаги масала кўриб чиқилди», дейилади Сенат хабарида.
Маълумот учун, Марказий банк 2013 йил июнида 5 минг сўмлик, 2017 йил мартида 10 минг сўмлик банкноталарни муомилага киритганди.
