Аҳмад Масъуд «Толибон» ҳаракатига қарши кураш режасини очиқлади
«Толибон» ҳаракати жангариларига қаршилик кўрсатаётган томоннинг янги раҳбари Аҳмад Масъуд террорчиларга қарши кураш режасини эълон қилди ва Афғонистон келажагини қандай тасаввур қилишини айтди.
Бу ҳақда «Sputnik Тожикистон» хабар берди.
Маълум қилинишича, Масъуд халқнинг фикрини унутмаслик кераклигини, мамлакатда содир бўлаётган воқеалар эса одамларнинг хоҳиш-иродасига зид равишда содир бўлаётганини айтган.
Унинг режасига кўра, ҳозир Афғонистонда барқарор тинчлик ўрнатиш учун ажойиб имконият. Агар сиёсатчилар биргаликда ҳаракат қилса, можаро тугайди.
«Халқимиз қон тўкишдан, қотилликдан, урушлардан чарчади ва тинчликни хоҳлайди. Лекин бу бизнинг халқимиз қонуний курашидан чекинганини англатмайди. Агар керак бўлса, биз бу ишни давом эттирамиз ва хавфсизлик кучларимизни қўллаб-қувватлаймиз. Биз тинчликни севувчи миллатмиз ва айни пайтда биз ҳақиқий кураш олиб бора оламиз», — деган Маъсуд.
Унинг сўзларига кўра, Афғонистонни бошқариш нуқтаи назаридан, эски марказлашган ҳокимият тузилиши ҳар доим коррупция, зулм, беқарорлик, қолоқлик, қашшоқлик ва охир-оқибат урушга олиб келган. Мамлакатни ҳар қандай тажовуздан ҳимоя қилиш учун эса халқнинг қўллаб-қувватлаши ва ишончи етарли.
