АҚШ “Толибон” билан махфий келишувга эришгани маълум бўлди
АҚШ “Толибон” билан махфий келишувга эришган. Бу ҳақда “СBC” хабар берди.
Маълум бўлишича, АҚШ ўз дипломатлари ва ҳарбийлари дахлсизлига эвазига афғон қўшинларига ҳаводан ёрдам бермасликка рози бўлган. Россиялик эксперт Дмитрий Егорченковнинг фикрича, афғон қўшинлари шундан кейин таслим бўлишни афзал кўрган.
Қўшинларнинг олиб чиқилишинигг охирги муддати 31 август деб белгиланган.Бу келишув “Толибон” Афғонистонни эгаллашидан олдин тузилган.
Бундан ташқари, Ашраф Ғани мамлакатдан чиқиб кетишидан аввал ҳам АҚШ “Толибон” билан музокаралар ўтказган. Маълумотларга кўра, Доҳада толиблар билан муваққат ҳукумат тузишга келишилган. Келушувга асосан ҳокимият расмий ҳукумат ва “Толибон” ўртасида тақсимланиши назарда тутилган. Ашраф Ғанининг мамлакатдан кетиши эса икки томон учун ҳам кутилмаган ҳодиса бўлган.
Бундан аввал АҚШ Президенти Жозеф Байден АҚШ ҳарбийлари Америка фуқаролари тўлиқ эвакуация қилинмагунча Афғонистонда қолишини маълум қилган эди.
Жаҳонгир Қўзиев
