Италияликлар спагеттисиз қолиши мумкин
Европанинг макарон ишлаб чиқариш бўйича йирик компаниялари буғдойнинг қаттиқ туридан олинган ун заҳираси тугаб бораётганини айтишмоқда.
Агар ҳукуматлар бу муаммони зудлик билан назоратга олмаса, спагетти, феттучини ва каннеллони ҳадемай анқонинг уруғига айланиши мумкин. Бу ҳақда “LePoint” хабар қилмоқда.
“Буларнинг барчаси глобал иқлим ўзгариши туфайли юзага келмоқда. Канада ва Европада нималар содир бўйлаётганини кўринг. Канадаликлар иссиқдан азият чекаётган бўлса, биз ёмғир остида қолдик. Агар шундай давом этаверса, нафақат Франция, балки бутун Европада макарон маҳсулотлари танқислиги юзага келади ва уларни рациондан чиқаришга тўғри келади”, —дейди Франция макарон маҳсулотлари ишлаб чиқарувчилари кенгаши экспертлари.
Канадада ёз жуда иссиқ кечмоқда. Шимолий Америкада июнь энг иссиқ ой бўлди. Канадада бундан нафақат буғдой, балки зайтун ҳосили ҳам зарар кўрди. Бу йил ҳосил режалаштирилганидан камида 3 бараварга кам бўлиши кутилмоқда.
Канада қаттиқ навли буғдой етиштириш бўйича етакчи давлат саналади. Қолаверса, бу йил Европанинг ўзида ҳам буғдой ҳосили кутилганидек эмас. Бунга ёз давомида мунтазам ёққан ёмғирлар сабаб бўлгани айтилмоқда.
Шарофат Маҳмудова
