Меркель эвакуация жараёнидаги кўмак учун Ўзбекистонга миннатдорчилик билдирди
Германия федерал канцлери Aнгела Меркел ўз фуқаролари, немис тузилмаларида ишлаган маҳаллий ходимлар, шунингдек, ёрдамга муҳтож афғонларни эвакуация қилишда кўмаклашган Ўзбекистонга миннатдорчилик билдирди.
Германия Aфғонистондан, биринчи навбатда, ўз фуқаролари, немис тузилмаларида ишлаган маҳаллий ходимлар, шунингдек, ёрдамга муҳтож афғонларни эвакуация қилмоқда.
У бу халқаро ҳамжамият билан мувофиқлаштирилган мураккаб операция эканини таъкидлаган.
«Шунингдек мен, яқиндан ҳамкорлик қилаётган Ўзбекистонга ўз миннатдорчилигимни билдирмоқчиман», деган Германия федерал канцлери.
Бундан аввалроқ Ўзбекистон президенти Шавкат Мирзиёев Германия президенти Франк-Вальтер Штайнмайер ва канцлер Ангела Меркель билан Германия, Афғонистон ва Европа Иттифоқи давлатлари фуқароларини Тошкент аэропорти орқали эвакуация қилиш ишларини давом эттириш масалаларини муҳокама қилганди.
Германия шу вақтгача 900 кишини Кобулдан олиб чиққан. Эвакуация қилинганлар Lufthansa ва Uzbekistan airways авиакомпаниялари самолётлари орқали Тошкентдан Франкфурт-Майнга олиб борилмоқда.
