Узум етиштириш бўйича етакчи ҳудудлар маълум қилинди
2021 йилнинг 6 ойи давомида қанча узум етиштирилгани тўғрисида маълум берилди.
Давлат статистика қўмитаси маълумотларига кўра, 2021 йилнинг январь - июнь ойларида 45 497 тонна узум етиштирилган.
Узум етиштириш ўтган йилнинг мос даври билан солиштирилганда ўсиш суръати 5,1 фоизни ташкил қилди.
Узум етиштиришнинг юқори ҳажмлари 24 минг тонна ёки умумий етиштириш ҳажмидан 52,7 фоизи деҳқон (шахсий ёрдамчи) хўжаликларида қайд этилди.
Узум етиштиришнинг умумий ҳажмига нисбатан энг юқори улушга эга бўлган ҳудудлар:
- Сурхондарё вилояти – 30,1 фоиз;
- Қашқадарё вилояти – 13,9 фоиз;
- Наманган вилояти – 11,8 фоиз;
- Бухоро вилояти – 11,4 фоиз.
