Ашраф Ғанининг укаси «Толибон» тарафига ўтди
Афғонистондан қочиб кетган президент Ашраф Ғанининг кичик укаси Ҳашмат Ғани «Толибон» ҳаракатига қўшилди. Бу ҳақда толибларнинг ўзи расмий баёнот берган, деб ёзмоқда «Коммерсантъ».
«Афғонистон собиқ президенти Ашраф Ғанининг укаси Ҳашмат Ғани Ҳалил Раҳмон Ҳаққоний олдида Ислом амирлигига садоқат билан хизматда бўлиш ҳақида қасамёд қилди»,— дейилади «Толибон» баёнотида.
Ҳалил Ал-Раҳмон Ҳаққоний – «Ҳаққоний тармоғи» террорчилик гуруҳининг юқори лавозимдаги аъзоси ҳисобланади. Ушбу гуруҳ толиблар билан ҳамкорлик қилади. Хабарга кўра, 21 августда Кобулда Афғонистон собиқ бош вазири, мамлакатдаги Ислом партияси етакчиси Гулбиддин Ҳикматиёр билан учрашув ўтказилган.
