“АҚШ Хитой таҳдидига тайёр туриши керак”
“АҚШ Хитой таҳдидига тайёр туриши керак”
Агар Хитой Тайванни босиб олмоқчи бўлса, АҚШ Пекин билан урушга тайёр бўлиши керак. Бу фикрни АҚШ мудофаа вазири собиқ ёрдамчиси Элбриж Колби илгари сурди.
Колбининг фикрича, Тайвань туфайли хитой билан америка ўртасида тўқнашув бўлиши тобора ойдинлашмоқда. Чунки ХХР минтақада ҳарбий кучлар салмоғини ошираяпти. АҚШнинг Афғонистонни тарк этиши ва Кобул ҳукумати қулаши фонида Тайвань суверенитетига таҳдид вужудга келган.
Собиқ амалдор Хитой кучли ҳарбий-денгиз флоти ва катта узоқликдаги ракеталарга эгалигини таъкидлади. Бу икки омил уни АҚШ ҳарбий имкониятларидан устунлигини намоён этади.
Колби Тайвань қулаган тақдирда, АҚШ Хитойнинг узоқ Шарқдаги устунлигини тан олишга мажбур бўлишини айтган. Унинг фикрича, бўлажак тўқнашувда Пентагон имкониятлари жуда кам.
