Жо Байден брифингда масъул амалдор номини узоқ вақт эслолмади
АҚШ Президенти Жо Байден Афғонистондан чиқиб кетиш ва “Генри” тўфонига бағишланган матбуот анжуманида Фавқулодда вазиятлар бўйича федерал агентлик котиби номини узоқ вақт эслолмади. Ваҳоланки, Президент Динн Крисуэлл билан бундан бир неча дақиқа олдин гаплашган эди.
“Бу операцияга раҳбарлик қилиш учун ... Динн ... Крисуэллдан яхшироқ одам йўқ”, — деди Байден Оқ уйдаги брифингда. Матбуот анжумани “С-Span” телеканалида тўғридан-тўғри эфирда намойиш этилган.
Бундай ҳолатлар Байден билан бот-бот содир бўлиб туради. Олдинроқ Жо Байден Барак Обама ва Дональд Трампни ҳам адаштириб юборган эди.
Танқидчилар буни Байденда юз бераётган когнитив регресснинг яна бир аломати, деб ҳисоблашмоқда.
Шарофат Маҳмудова
