Киев мери аэропортга киритилмади

 

Киев мери Витали Кличко Украинага амалий ташриф билан келган Германия канцлери Ангела Меркелни кутиб олиш учун аэропортга киритилмади. Бу ҳақда пойтахт ҳокими ижтимоий тармоқдаги ўз саҳифасида ёзган.

«Мен Борйспил аэропортига етиб келдим, протоколга кўра у ерда худди олдинги ташрифларда бўлгани каби пойтахт мери сифатида Германия канцлери Ангела Меркел билан учрашишим керак эди. Аммо бу сафар менга рухсат беришмади», — деб ёзади Кличко.

У, шунингдек, аэропортга зўрлик билан кирмаганини,  бундай ҳолат  биринчи марта рўй бераётганини қўшимча қилган. 

 

Насиба  Тўхтаева