Pemex нефть-газ компанияси денгиз платформасида ёнғин чиқди
Мексика кўрфазида жойлашган Pemex нефть-газ компанияси денгиз платформасида ёнғин келиб чиқди. Натижада беш киши жароҳатланди. Бу ҳақда компания Twitter саҳифасида хабар тарқатди.
“Беш киши куйиш жароҳати олган. Қурбонлар ҳақида маълумотлар йўқ”, — дейилади хабарда.
Pemex вакилининг сўзларига кўра, компания ходимлари ёнғинни ўчиришга муваффақ бўлган. Аланга сабаблари ҳали аниқланмаган, компания суриштирувни бошлаган.
Мексика кўрфазида шу йилнинг июлида ҳам газ ўтказувчи қувур ёниб кетган, бир вақтнинг ўзида 3 та кемада ёнғин чиқиб, қувур ёпиб қўйилган эди.
Шарофат Маҳмудова
