Лондонда намойишчилар 2 та телеканални эгаллаб олди
Лондонда эмлашга қарши 100га яқин киши телеканалларни икки соат давомида қамал қилиб турди.
Намойишчилар “ITV New” ва “Channel 4 News” телеканалларига ҳужум уюштирган. Улар телеканалларни британияликларга коронавирус инфекцияси ва вакцинациялар ҳақида нотўғри маълумот беришда айблаган.
“Полиция бино қўриқчилари ёрдамида ичкарига бостириб кирганларни олиб чиқиб кетяпти”,— деб хабар берган шаҳар полицияси.
Эмлашга қарши намойиш Google'нинг Лондондаги офиси яқинида ҳам бўлиб ўтган. Ҳозирча ҳеч ким қўлга олинмаган.
Эслатиб ўтамиз, бундан аввал АҚШлик олимлар коронавируснинг барча турига қарши восита топгани ҳақида хабар берилган эди.
Жаҳонгир Қўзиев
