Олимлар 2080 йилда ер юзи аҳолиси яна бир пандемияга йўлиқиши мумкинлигини башорат қилмоқда
Кейинги 60 йил ичида яна бир пандемия инсониятга таҳдид солади ва бу “COVID-19” каби оқибатларга олиб келади, деди Италиянинг Падуа университети олимлари.
Мутахассислар статистик таҳлил усулидан фойдаланиб, сўнгги тўрт аср мобайнида бутун дунё бўйлаб вабо, чечак, тиф ва гриппнинг ҳар хил турлари тарқалишини таҳлил қилди. Маълум бўлишича, пандемия маълум бир муддатда такрорланиб туради. Шундай қилиб, кейинги глобал эпидемия 2080 йилга тўғри келади.
Маълумотларга кўра, 2000 йилда туғилган одамнинг янги эпидемияга гувоҳ бўлиш эҳтимоли 38 фоизни ташкил этди.
Олимларнинг фикрича, янги инфекциянинг пайдо бўлишига аҳоли сони кўпайиши, атроф-муҳитнинг ифлосланиши ва озиқ-овқат тизимидаги ўзгаришлар ҳам сабаб бўлган.
Тарихдаги энг ҳалокатли эпидемия — испан гриппининг қайталаниш хавфи ҳар йили 0,3-1,9 фоизга ошиб бормоқда.
Мутахассисларнинг тахмин қилишича, бу каби пандемия яқин 400 йил ичида юз бериши мумкин. Бироқ яқин ўн йилликлар ичида “COVID-19” каби янги касалликлар пайдо бўлиш эҳтимоли уч баробар кўпаяди. Инсоният 12 минг йил ичида дунё аҳолисининг бутунлай йўқ бўлиб кетишига сабаб бўладиган янги пандемияга дуч келади.
Насиба Тўхтаева
