АҚШ разведкаси коронавирус келиб чиқиши ҳақида аниқ хулосага кела олмади
24 август куни АҚШ махсус хизматлари Жозеф Байденга коронавирус келиб чиқиши бўйича ҳисобот тақдим этди.
Ҳисоботда вируснинг келиб чиқиши борасида аниқ хулосага келинмаган. Шундай бўлса-да, жуда кўп маълумотлар тўпланган. Махсус хизматлар ҳисоботни бир неча кун ичида кенг оммага тақдим этиши керак.
АҚШ разведкаси “Covid-19” Ухань лабораториясидан чиқиб кетган деган фикрда. Бундан аввал Вашингтон Ухань лабораториясида ўрганилган минглаб вируслар бўйича маълумотлар қўлга киритилгани ҳақида хабар қилинган эди.
Хитой ташқи ишлар вазирлиги АҚШнинг бу ҳаракатларига норозилик билдирди. Вазирлик расмий вакили Ван Веньбинь Вашингтонни вирус келиб чиқиши бўйича илмий тадқиқотлар ўтказишга чақирди. Амалдорнинг фикрича “Махсус хизматларнинг “Covid-19” келиб чиқишини аниқлаши илм-фанга зиддир”.
Жаҳонгир Қўзиев
