Биринчи марта аёл киши Нью -Йорк штати губернатори бўлди
Демократик партия вакили Кетлин Хочул губернатор сифатида Капитолийда қасамёд қилди, деб хабар беради “Associated Press”. Шундай қилиб, 62 ёшли Хочул штатнинг 57-губернатори, AҚШнинг тўққизинчи аёл губернаторига айланди.
"Мен Нью -Йоркликларга бу вазифани уддалай оламан, деб ваъда бераман. Ва, албатта, уларнинг губернатори бўлганимдан фахрланаман", деди Хочул.
Кетлин Хочулнинг таъкидлашича, унинг асосий мақсади штат мактабларида ўқув йилининг хавфсиз бошланишини таъминлашдан иборат бўлади.
Эслатиб ўтамиз, 10 август куни Нью-Йорк губернатори Эндрю Куомо жинсий зўравонликда айбланганидан сўнг истеъфога чиққан, лекин бу айбловни тан олмаган эди.
Насиба Тўхтаева
