"Оriflame"нинг Россиядаги офиси йирик киберҳужумга учради
Шундан сўнг 1,3 миллион россиялик мижозларнинг сканерланган паспортлари тармоққа тарқалиб, паспорт маълумотлари RaidForums хакерлар форумида сотувга қўйилган. Бу ҳақда "Коммерсант" хабар тарқатди.
"Тармоқ нафақат руслар, балки компаниянинг Осиё ва МДҲ мамлакатлари мижозлари паспортларини ҳам сканердан ўтказди", — деб ёзади нашр.
”Оriflame” компаниянинг ахборот тизимларига рухсатсиз киришга олиб келган киберҳужум фактини тасдиқлади. Шу билан бирга, улар бу ҳужум банк ҳисоб рақамлари, телефон рақамлари, парол ва фойдаланувчиларнинг тижорат операцияларига таъсир қилмаслигига ишонтирмоқда.
Тахминларга қараганда, киберҳужум бошқа мамлакатдан уюштирилган. Мутахассисларнинг огоҳлантиришича, хаккерлар компания мижозларининг тармоққа кирган паспорт маълумотларидан микрокредитлар, СИМ-карталар бериш, онлайн хизматларда рўйхатдан ўтиш ёки телефон орқали фирибгарлик қилишда фойдаланишлари мумкин.
Насиба Тўхтаева
