Гринландиядаги аномал ёмғир нимадан дарак беради?

 

 

14 август куни Гринландияда аномал ёмғир ёғган эди.

 

“Phys.org” сайтининг Даниялик олимлар хулосаларига таяниб ёзишича, бу иқлим ўзгаришининг хавфли босқичидан дарак беради.

 

Ёмғир денгиз сатҳидан қарийб 3 минг метр баландликда кузатилган. Бу ҳодиса ҳаво ҳарорати Цельсий бўйича 0 градусдан баланд ёки бироз паст бўлганида юз бериши мумкин эди. Ўтган икки мингйилликда мутахассислар фақат 9 та шундай исиш ҳолатларини қайд этган. Улардан учтаси сўнгги ўн йил ичида содир бўлган.

 

Аммо 2012 ва 2019 йилларда ҳам ҳаво ҳарорати кўтарилганда, бу ҳудудларда ёмғир ёғмаган.

 

"Ҳозирча олдинги 6 та ҳолатда ҳам ёғингарчилик кузатилгани ҳақида бир нима дея олмаймиз. Аммо бундай бўлиш эҳтимоли жуда паст. Шу йилнинг ёзида Гринландияда иссиқлик рекорд, яъни  20 даражагача  кўтарилди. Иссиқ ҳаво оқими музликлар эришини тезлаштиради, бу эса хавотирга сабаб бўлади. Арктикада исиш жараёни дунёдаги ўртача исишдан тезроқ кечмоқда", —  дейди Дания метеоролия институти ходими Мартин Стендель.

 

Олимларнинг маълумотига кўра, ҳозирда оролни қоплаб турган муз қалқоннинг майдони Франция майдонидан 3 марта катта. У агар эриса дунё океанидаги сув  7 бараварга кўтарилади.

 

 

Шарофат Маҳмудова