Жо Байден: “Америка терактни жавобсиз қолдирмайди”
Aмерика Президенти Жо Байден Кобул аэропорти яқинидаги портлашда ҳалок бўлганлар хотирасига бир дақиқалик сукут эълон қилди. У халққа мурожаатида ҳалок бўлганлар оилаларига ҳамдардлик билдирди.
AҚШ разведкаси Кобулдаги терактни ИШИД уюштирган, деб ҳисоблайди. Шу боис AҚШ террорчиларга муносиб жавоб тайёрлаяпти.
AҚШ президенти буни шунчаки қолдирмаслигини, унинг ортида турганларни жазолаш учун ҳамма имкониятни ишга солишини айтди. Байден террорчиларга зарба бериш режаси тузилаётганини билдирди.
Эслатиб ўтамиз, пайшанба куни Кобул аэропорти биноси ёнида худкушлар иккита портлаш уюштирди. Охирги маълумотларга кўра, камида 100 киши ҳалок бўлган. Қурбонлар орасида 13 америкалик ҳарбий бор.
Аввалроқ, АҚШ президенти Жозеф Байден Оқ Уйда Афғонистондаги вазият юзасидан баёнот бергани тўғрисида хабар бергандик.
Насиба Тўхтаева
