Жеки Чан Ўзбекистонга келдими?
Ижтимоий тармоқларда Жеки Чаннинг “Тashkent City”даги планетарияда анъанавий ўзбек чопонида, ўзбек қизининг қўлидан нон олаётган ҳолати тасвирланган суратлар тарқалди.
Актёрнинг ғайриоддий кийимдаги суратларини кўрган ҳар қандай киши “Жеки Чан Тошкентга келди”, деб ўйлаши турган гап.
Актёрнинг бу сурати тармоқ фойдаланувчилари томонидан турли фикр-мулоҳазаларга сабаб бўлди. Баъзилар Чеки Чан янги фильм олиш учун келганини айтаётган бўлса, бошқалари мумсимон ҳайкаллигини таъкидламоқда.
“Тashkent City” ўзининг Instagram’даги саҳифасида бу суратга: “Тashkent City” сайилгоҳида ҳурматли меҳмонни кутиб олиш маросими”, дея изоҳ қолдирган.
Жеки Чаннинг атрофида жуда кўп миш-мишлар юради. Масалан, актёр вафот этгани, шунингдек, ўтган йили у коронавирусга чалиниб, карантинга олингани, сўнгра аҳволи оғирлашиб, шифохонага ётқизилгани, шулар жумласидан.
Эслатиб ўтамиз, аввалроқ Жеки Чан Хитойнинг коммунистик партиясига аъзо бўлишни исташи ҳақида хабар берилганди.
Акрам Хамроқулов
