Ўзбекистон Италиядан қаҳва импорти ҳажмини оширди
Ўзбекистон 27 та хорижий давлатдан қаҳва импорт қилган. Бу ҳақда Давлат статистика қўмитаси маълумот бермоқда.
Қўмита хабарига кўра, 2021 йилнинг январь-июль ойларида Ўзбекистон 27 та хорижий давлатлардан қиймати 1,0 млн АҚШ долларига тенг бўлган 196,4 тонна қаҳва импорт қилган.
Қаҳва импорти ўтган йилнинг мос даври билан солиштирилганда 257,6 минг АҚШ долларига кўп.
Ўзбекистон ўтган 7 ой мобайнида қаҳва импорт қилган асосий давлатлар қуйидагича:
- Россия – 57,4 тонна;
- Италия – 52,6 тонна;
- Бразилия – 34,0 тонна;
- Вьетнам – 22,6 тонна;
- Беларус – 13,1 тонна;
- Германия – 2,8 тонна;
- Туркия – 2,7 тонна.
Аввалроқ 2021 йилнинг январь-июль ойларида хориждан Ўзбекистонга қиймати 85 млн АҚШ долларига тенг бўлган 1,7 млн тонна цемент импорт қилингани тўғрисида хабар берилганди.
