Ўзбекистонга коронавирусга қарши юқори самарага эга препарад олиб келинди
Ҳозиргина Тошкент Халқаро аеропортида ушбу дори воситаси қадоқларини қабул қилиб олиш маросими бўлиб ўтди.
Унда Соғлиқни сақлаш вазирлиги масъуллари, Германиянинг Ўзбекистондаги элчихонаси ходимлари ва журналистлар иштирок этди.
Casirivimab/Imdevimab (Швейцариянинг "Roche" фармацевтика компаниясидан) COVID-19 га қарши сунъий "антитаначалар коктейл"и бўлиб, ҳозирда препарат вируснинг янги штаммларига чидамли ягона препарат ҳисобланади.
Тадқиқот натижаларига кўра, препарат касалхонага ётқизиш ва коронавирусдан ўлим даражасини 70 фоизга камайтиргани ва касаллик аломатларининг давомийлигини 14 кундан 10 кунгача қисқартиргани айтилмоқда.
Aввалроқ Германия Ўзбекистонга инсонпарварлик ёрдами тариқасида 10 минг доза Cасиривимаб/Имдевимаб комбинасияланган препаратини юбориши ҳақида хабар берган эдик.
