Туркия ҳукумати коронавирус тарқалишига қарши янги чораларни жорий этмоқчи
Туркияга сайёҳлик мақсадида келган хорижий фуқаролар 6 сентябрдан бошлаб мамлакатда жорий қилинадиган янги чекловларга амал қилмайди. Бу ҳақда Интерфакс хабар қилмоқда.
Туркия ҳукумати 6 сентябрдан коронавирус тарқалишига қарши янги чораларни жорий этмоқда. Хусусан, шаҳарлараро автобуслар, поездлар ва бошқа жамоат транспортида саёҳат қилишда, шунингдек, мамлакат ичидаги самолётларда учишда эмланмаган йўловчилардан ПЦР тестлари сертификатлари талаб қилинади. Бундан ташқари, бу тчекловлар концертлар, кинотеатрлар ва театрларга ташриф буюришда ҳам амал қилади.
Туркияда доимий истиқомат қилувчи (яшаш учун рухсатномаси бўлган) чет эллик резидентлар янги чекловларга риоя қилишлари шарт.
Мамлакатда охирги кунларда кунига ўртача 20 мингга яқин коронавирус ҳолатлари қайд этилмоқда.
Аввалроқ, Туркия ҳукумати муҳожирларнинг янги оқимини қабул қилмаслиги ҳақида хабар қилган эдик.
Насиба Тўхтаева
