Янги Зеландиядаги супермаркетга уюштирилган ҳужумда олти киши тан жароҳати олди
Янги Зеландиянинг Окленд шаҳрида рўй берган пичоқли ҳужум оқибатида олти киши жароҳат олди. Бу ҳақда "New Zealand Herald" газетаси хабар берди.
Айтилишича, воқеа шаҳарнинг жануби-ғарбидаги супермаркетда содир бўлган.
Ҳужумни уюштирган шахс полиция томонидан қўлга олиш вақтида отиб, ўлдирилган. Супермаркет атрофи хавфсизлик кучлари ва фавқулодда хизмат ходимлари билан ўраб олинган.
Янги Зеландия бош вазири Жасинда Ардерн Окленддаги супермаркет харидорларига қилинган ҳужумни теракт деб атади. Унинг сўзларига кўра, ҳужумчи ИШИД тарафдори бўлган.
Маълумотларга кўра, у экстремистик қарашлари туфайли кузатув остида бўлган. Террорчи бу ерга 2011 йилда келган Шри-Ланка фуқароси экани айтилмоқда.
Аввалроқ Янги Зелландияда ҳаво шарининг турар-жой устига қулаши натижасида камида 11 киши жабрлангани ҳақида хабар берилганди.
Насиба Тўхтаева
