"Толибон" назоратида бўлмаган Панжшер ҳам аста-секинлик билан қўлдан кетмоқда
“Толибон” ҳаракати Панжшернинг стратегик муҳим тумани–Хинжни эгаллади. Бу ҳақда ҳаракат вакили Билол Каримий хабар бермоқда.
Толиблар ҳозирга қадар Панжшернинг Шутал, Аннаба, Парён ва Ҳинж туманларини босиб олгани айтилмоқда. Каримийнинг сўзларига кўра, “Толибон” кучлари Панжшер марказига қараб ҳаракатни давом эттирмоқда.
Бундан аввал ҳам толиблар Панжшерни тўла назоратга олганини хабар қилган эди. Кобулда ғолиблик шарафига ҳавога ўқ узиш оқтибатида 70 дан ортиқ киши жабрланди. Аммо бу хабарлар Қаршилик ҳаракати вакиллари, жумладан собиқ вице-президент Амрулла Солиҳ ва Панжшер расмий вакили Фаҳм Даштий томонидан инкор қилинди.
Маълумот ўрнида, “Толибон” 15 август куни Кобул шаҳрини жангсиз эгаллаганидан кейин бутун Афғонистонда ҳокимият ўрнатилганини эълон қилди. Ҳозирда фақатгина Панжшер вилояти толиблар томонидан назорат қилинмаяпти. Бу ерда Аҳмад Масъуд ва Афғонистоннинг собиқ вице-президенти Амрулла Солиҳ бошчилигида қаршилик фронти тузилган.
