ОАВ: Гвинея президенти қамоққа олинган
Исёнчи ҳарбийлар Гвинея президенти Альфа Кондени қамоққа олди.
Гвинеяда ҳарбий тўнтариш содир бўлди.
Бугун, 5 сентябрь куни, исёнчи ҳарбийлар мамлакат пойтахти Конакри шаҳрига борадиган йўлларни тўсиб қўйган.
Шундан кейин исёнчилар Гвинея президенти Альфа Конде қароргоҳига бостириб кирган ва президент ҳибсга олинган. Қароргоҳ яқинида махсус кучлар ва Конденинг қўриқчилари ўртасида отишма юз берган.
Маҳаллий ОАВ исёнга Гвинея армияси махсус кучлари полковниги Мамади Думбуя бошчилик қилганини хабар берди. Думбуя ўтмишда Франция Хорижий легионида хизмат қилган.
Ҳозирда Конакрига зирҳли машиналар кириб келган. Исёнчилар ҳукуматни тарқатиб юборди. Мамлакат қуруқлик ва ҳаво чегаралари ёпилган. Шунингдек, амалдаги конституция бекор қилинган.
Альфа Конде Гвинеяни 2010 йилдан бери бошқариб келаётганди. Сиёсатчи 2020 йил октябрдаги сайловларда ҳам ғалаба қозонган, аммо шундан кейин мамлакатда норозилик тнамойишлари бошланиб кетган эди
