"G20" шу йилнинг октябрь ойида Италияда саммит ўтказади
“Катта йигирматалик” соғлиқни сақлаш вазирлари якшанба куни Римда ўзаро музокаралар ўтказмоқда. Бу шу йилнинг октябрь ойида Италияда бўлиб ўтиши кутилаётган G20 саммити олдидан ташкил этилди. Мазкур тадбир "Аввалгидан яхшироқ тикланиш" шиори остида икки кун давом этади, учта сессиядан иборат.
Биринчи сессияда пандемия 2030 йилгача барқарор ривожланиш дастурига қандай таъсир ўтказгани муҳокама қилинади.
Иккинчи сессияда келажакдаги эҳтимолий пандемиялар муаммоси билан боғлқ аниқ таклифлар берилади.
Учинчи сессияда вазирлар ҳозирги пандемияга қарши курашнинг самарали йўлларини муҳокама қилади.
"Йигирматалик" аъзолари бугун эмлаш ва ташхис қўйиш бўйича тенгликни таъминлашга оид таклифларини эълон қилиши кутиляпти. Бу вакциналарни ўзаро тан олишни назарда тутади.
2020 йилда бошланган коронавирус пандемияси билан 220 миллиондан ортиқ инсон касалланган. Дунёда ҳозирда COVID-19'га қарши 10 дан ортиқ вакцинадан фойдаланиляпти.
Эслатиб ўтамиз, бундан аввал Хитой олимлари коронавирус пайдо бўлишининг янга версиясини эълон қилган эди.
Шарофат Маҳмудова
