Таиландда коронавирусга қарши намойишлар бўлиб ўтмоқда
Таиландда ҳукумат ишига норозилик билдириш мақсадида оммавий намойишлар бошланди. Бу ҳақда “The New York Times” хабар берди.
Минглаб аҳоли қўчага чиққан. Улар ҳукуматни пандемияга қарши самарасиз курашда айбламоқда. Намойишчилар мамлакат бош вазири Праюта Чан-Очани истеъфога чиқшини талаб қилган. “Таиландликлар амалдаги ҳукумат ишидан анчадан буён норози. Бунга бугунги пандемия ҳам яна бир исбот бўлди”, — деган норозилик акцияси қатнашчиларидан бири.
Ҳуқуқни муҳофаза қилиш органи ходимлари намойишчиларга қарата кўз ёшлатувчи газ ишлатган. Шунингдек, уларни тарқатишда резина ўқидан фойдаланган.
Таиландда пандемиядан 12 минг киши вафот этган. Эпидемиологик вазият мамлакат иқтисодиётига катта зарар етказган. Ҳукумат касаллик тарқалишига қарши самарали кураш олиб бора олмаяпти. Оммавий эмлаш жараёни жуда секинлик билан кечмоқда.
Таиланд аҳолиси август бошида ҳам ҳукуматнинг коронавирусга қарши олиб бораётган ҳаракатидан норозилигини билдириш мақсадида намойишлар ташкил этган эди. Ўшанда бош вазир қароргоҳига петардалар отилган. Тартибсизликлар вақтида куч ишлатар ходимлар билан кескин тўқнашувлар рўй берган. Расмий Бангкок тартиб ўрнатиш мақсадида юзлаб полиция отрядларини сафарбар қилган.
Бундан аввал Япониядаги эпидемиологик вазият ортидан Токио Олимпиадасига қарши норозиликлар бўлиб ўтган эди.
Жаҳонгир Қўзиев
