АҚШ Хитойда коронавирусни ўрганишга 3 миллион доллар ажратган
АҚШ Хитойдаги коронавирус тадқиқотларини молиялаштиргани гумон қилинмоқда. Бу ҳақда Intercept нашри хабар берган.
“Intercept”га 900 саҳифали материал келиб тушган. Унда АҚШнинг Хитойда вирусологик тадқиқотларни молиялаштиргани тўғрисида маълумотлар бор. Унга кўра, Миллий саломатлик инстиути тизимидан 2014-2019 йилларда грантлар ажратилган.
“Ушбу лойиҳада ҳайвонларда коронавирусларнинг ривожланиш омиллари ва уларни инсон организмига кириб келишини ўрганиш мақсад қилинган” , - дейилади хабарда. Грант олган ташкилотлар орасида Ухань вирусология институти ҳам бўлган. Унга умумий ҳисобда 3 миллион доллардан ортиқ маблағ ажратилган.
Ушбу маълумот эълон қилинганидан сўнг АҚШнинг COVID-19 пайдо бўлишини молиялаштиргани ҳақидаги шубҳа ва гумонлар янада кучайди.
Бундан аввал ақш махсус хизматлари коронавирус бутун дунёга Ухань лабораториясидан тарқаб кетганини маълум қилган. Кейинчалик Жозеф Байденга шу мазмунда ҳисобот ҳам тақдим этилган. Лекин унда махсус хизматлар касаллик келиб чиқиши бўйича аниқ хулосага кела олмагани, COVID-19 биологик қурол сифатида яратилмагани маълум қилинган эди.
Жаҳонгир Қўзиев
