Ангела Меркель Польшага қилган ташрифида Беларусни яна бир марта огоҳлантирди

 

Германия канцлери Ангела Меркель Беларусга қочқинлар масаласида мурожаат қилди

 

Германия канцлери мурожаати унинг Польшага қилган ташрифида янграган. Меркель Беларусь билан қўшни мамлакатлар чегарасидаги қочқинлар ҳақида гапирар экан, вазиятни "гибрид хужум" сифатида баҳолади. Унинг таъкидлашича, ёрдамга муҳтож инсонлар орқали бу каби хатти-ҳаракатларни амалга ошириш мақбул йўл эмас.

 

Хусусан канцлер: "Биз ҳозирда шарқий чегараларда қочқинлар воситасида уюштирилаётган босимлар, гибрид ҳужумларга гувоҳ бўляпмиз. Бу Литва ва Польшадаги вазиятга тааллуқли. Биз қочқинларга гуманитар ёрдам тақдим этишимиз, шу билан бирга Европа ташқи чегараларини ҳимоя қилишимиз зарур", — дея қайд этган.

 

Бундан аввал Польша ва Литва Европа Иттифоқига Беларусга нисбатан янада кескин санкциялар жорий этишни сўраб мурожаат қилган. Уларнинг фикрича, Европадаги янги миграцион инқирозга Минск сабаб бўлмоқда. Беларусга нисбатан 2021 йилнинг майида киритилган санкцияларга жавобан Президент Александр Лукашенко бундан буён бирорта қочқинни мамлакатда ушлаб турмаслигини маълум қилган. Шундан кейин ЕИ шарқида мигрантларнинг янги оқими пайдо бўлди.

 

Эслатиб ўтамиз, бундан аввал Польша чегарасини ноқонуний бузиб ўтиш ҳолатлари кескин ошгани хабар қилинган эди.