АҚШ федерал қидирув бюроси 11 сентябрь терактларига оид янги материалларни эълон қилди
АҚШда 11 сентябрь терактларига оид янги маълумотлар ошкор қилинди.Ҳужжатлар ташкилот сайтига жойлаштирилган.
Унинг кириш қисмида бу маълумотлар Жозеф Байденнинг 2021 йил 3 сентябрдаги қарори аосида эълон қилинаётгани қайд этилган. Байден шу куни 11 сентябрь терактига оид махфий хужжатларни ошкор қилинишига топшириқ берган.
Материал 2016 йилга оид бўлиб, 16 саҳифадан иборат. Унда Саудия Арабистонининг Лос Анжелесдаги консуллигида ишлаган собиқ ходим кўрсатмалари ўрин олган. Хавфсизлик нуқтаи назаридан гувоҳнинг исм-шарифи ошкор қилинмаган.
Ҳисоботда айтилишича, АҚШ расмийлари террорчиларга ёрдам берган бир гуруҳ шахслар билан алоқада бўлган, хусусан, бу шахслардан бири Лос Анжелесдаги консулликда ишлаган бўлиши мумкин. Яна бири эса Саудия разведкаси агенти сифатида гумонланмоқда.
Маълумот ўрнида, 2001 йил 11 сентябрда Нью-Йоркдаги Жаҳон савдо маркази ва Вашингтондаги Мудофаа вазирлиги биносига самолётлар воситасида теракт уюштирилган. Оқибатда 3мингга яқин инсон ҳалок бўлган.
