Кариб денгизида 2,4 тонна кокаин бўлган қайиқ аниқланди
Колумбиялик аскарлар Кариб денгизида 2,4 тонна кокаин бўлган қайиқни қўлга олишди. Бу ҳақда Мудофаа вазири Диего Молано Тwitter'да маълум қилди.
"Биз йил бошидан буён энг катта кокаин партиясини мусодара қилишга муваффақ бўлдик. Унинг оғирлиги 2,4 тоннадан ошди. Қиймати эса 80 миллион доллар" - деб ёзади Мудофаа вазирлиги раҳбари.
Маълум бўлишича, кемани ҳибсга олиш Сан-Андрес оролидан 300 км узоқликда содир бўлган. Ҳарбийлар қайиқдаги беш кишини ҳибсга олишди, улардан тўрт нафари колумбиялик.
Маълумотларга кўра, кокаин "Bay Clan" номли тўдага тегишли эди.
Колумбия ҳарбий-денгиз кучларининг ҳисоб-китобларига кўра, 2021 йилда 235 тонна кокаин мусодара қилинган.
Аввалроқ, Британия ҳуқуқ -тартибот идоралари ходимлари Ямайка байроғи остида ҳаракатланган элита яхтани ушлаб қолишган, у ерда икки тоннадан ортиқ кокаин бор эди. Олти киши ҳибсга олинган.
Насиба Тўхтаева
