Покистонда кучли ёғингарчилик туфайли 18 киши ҳалок бўлди, тўрт киши жароҳатланди
Покистон шимоли-ғарбидаги Хайбер-Пахтунхва вилоятида кучли ёғингарчилик туфайли уйлар қулаб, 18 киши ҳалок бўлди, тўрт киши жароҳатланди. Қурбонларнинг аксарияти аёллар ва болалардан иборат. Бу ҳақда” Geo” телеканали хабар берди.
Таъкидланишича, ҳодиса туфайли учта турар-жой биноси бутунлай вайрон бўлган, яна иккитаси шикастланган.
Покистон шимоли-ғарбий қисмида ёмғир шанба куни кечқурундан бери давом этмоқда. Хайбер-Пахтунх ва вилоятида офат кўплаб кўчки ва сув тошқинларига олиб келди. Узоқ туманлардаги аҳоли пунктлари билан транспорт алоқаси узилган.
Ҳукумат табиий офат оқибатларини бартараф этиш учун зарар кўрган ҳудудларга қутқарув гуруҳлари ва муҳандислик ускуналарини юборди.
Эслатиб ўтамиз, Мексиканинг марказий қисмида ҳам кучли тошқин натижсида икки киши ҳалок бўлган эди. Ҳидалго штатида кучли ёғингарчилик туфайли дарё қирғоғидан сув тошиб чиқиб, бир қанча аҳоли пунктини сув босди. Сув тошқини оқибатида 2 мингдан зиёд уй зарар кўрди.
Аввалроқ, АҚШнинг Теннесси штатидаги сув тошқинларида 20 дан зиёд киши ҳалок бўлгани ва 40 га яқин одам бедарак йўқолгани ҳақида хабар берилганди.
Насиба Тўхтаева
