Судда масофавий қатнашиш мумкин
Ўзбекистон судларга рақамли технологияларни жорий қилиш бўйича дунёда етакчи йигирма давлатдан бири. Мамлакат судлари сўнгги беш йилликда судлар фаолияти тўла электронлаштирилди.
14 сентябрь куни Ўзбекистон Республикаси Олий Судида одил судловни амалга оширишда очиқлик ва шаффофликни таъминлаш бўйича судлар фаолиятига жорий этилган ахборот-коммуникация технологиялари тақдимоти ҳамда шу мавзуга доир матбуот анжумани бўлиб ўтди.
Унда сўзга чиққан Олий Суд Aхборот-коммуникация технологияларини жорий қилиш ва ахборот хавфсизлигини таъминлаш бошқармаси бошлиғи Баҳром Очилов судларда AКТ жорий қилиниши юзасидан маълумот берди.
Жорий этилган янгиликлардан бири – Республика судларида видкеоконференсия тизимидир. Бу барча томонлар учун катта қулайлик яратган. Ҳозирда бутун Республика бўйлаб 321 та суд мажлиси зали ушбу тизим билан тўлиқ таъминланган. Видкеоконференсия алоқа орқали томонлар суд залига келиши шарт эмас. Бу орқали томонлар шу кунгача 21,4 миллиард сўм маблағ тежаб қолган.
Шу билан бирга эндиликда ушбу тизим туфайли чет элдан туриб ҳам суд ишида қатнашиш мумкин.
Кейинги босқичда суд мажлисида видеоконференсия алоқа тизими бўйича махсус мобил дастурни ишлиб чиқиш режалаштирилган. Шу билан бирга тизим орқали жазони ижро этиш муассасаларидаги шахсларни судялар билан бевосита боғлаш мақсад қилинган.
Шу кунгача суд қарорларини олиш жуда муаммоли вазифа эди. Лекин тизимни рақамлаштириш доирасида public.sud.uz платформаси яратилди. Шу кунгача платформа орқали 1 миллион 700 мингдан зиёд қонуний кучга кирган қарорлар эълон қилинган.
Яна бир қулайлик – фуқаролик ва иқтисодий судларга мурожаат қилиш учун даъво аризалари ва бошқа турдаги аризалар намуналари келтирилган calcute.sud.uz махсус рукни ишга туширилди.
- Фуқароларни энг кўп қийнайдиган масала бу судга мурожаат қилишдаги ҳужжатлардир. Кўпчилик уни ёздириш учун адвокатга боради. Aдвокат хизмати эса пуллик. Ҳозирда бу платформада ўзбек, рус ва қорақалпоқ тилларида аризалар намуналари келтирилган, - дейди Баҳром Очилов.
Олий суднинг бошқа давлат органлари ахборот тизимлари билан жадал интеграцияси кетмоқда. Aвваллари 25 кунгача чўзиладиган маълумот тўплаш ҳозирда бир неча кундан ошмайди. Бунинг сабаби, Олий Суднинг “Э-ХСУД” тармоғи 28 давлат органлари ахборот тизимларидан онлайн маълумотларни олиш имконига эга.
Буларнинг барчаси кўрилаётган ишларнинг тез ва самарали якунлашига сабаб бўлади. Суд тизимидаги бюрократиянинг кескин камайишига ёрдам беради.
