Мексикада ўғирлаб кетилган 22 нафар чет эл фуқароси қутқарилди
Мексикада ҳуқуқ -тартибот идоралари ходимлари Сан Луис Потоси марказий штатидаги меҳмонхонага ҳужум пайтида ўғирлаб кетилган 22 нафар чет эл фуқаросини қутқарди. Бу ҳақда “Reuter” хабар берди.
Маълум қилинишича, Сан Луис Потоси шаҳридан тахминан 195 км шимолда, Матехуаладаги Col y Luna меҳмонхонасидан ўғирланганларнинг аксарияти Куба ва Ҳаити фуқаролари бўлган. Қароқчилар, шунингдек, 16 нафар мексикаликни ҳам ўғирлаб кетган.
Мексика фуқаролари кейинчалик қўйиб юборилган, чет элликлар эса Матежуала ва вилоят пойтахти ўртасидаги чекка ҳудудда қутқарилди.
Маълумотларга кўра, Мексика орқали АҚШга етиб боришга умид қилаётган кўплаб муҳожирлар йўлда турли хавф-хатарга дуч келади: улар кўпинча ўғирлаб кетилади, ё ўлдирилади.
Бундан аввал Хитойда коллеж директорлари ушбу таълим муассасаси талабалари томонидан гаровга олинганди. Улар бошқа институт билан бирлашгандан сўнг меҳнат бозорида илмий даражалари паст бўлишидан қўрққани учун шу ишни қилишган.
Насиба Тўхтаева
