Хитой раҳбари Си Цзиньпин АҚШ Президенти билан учрашишдан бош тортди
Бу ҳақда Британиянинг “Finansial Times” нашри манбаларга таяниб хабар берди.
Маълумотларга кўра, сиёсатчиларнинг 9 сентябрдаги телефон суҳбати бир ярим соат давом этган. Суҳбат чоғида Оқ уй раҳбари Хитой томонига Вашингтон ва Пекин ўртасидаги муносабатларни жарликдан чиқариш учун икки томонлама саммит ўтказишни таклиф қилган.
Манбаларда айтилишича, бунга жавобан ХХР раҳбари Байденга Хитойга нисбатан тажовузкор риторика қилмасликни таклиф қилган.
Журналистларнинг сўзларига кўра, Си Цзиньпин Байден билан учрашишни истамаслиги коронавирус билан боғлиқ хавфга алоқадор. Нашр пандемия бошланганидан бери (2020 йилнинг январидан) Хитой раҳбари мамлакатдан чиқмаганини эслади.
Эслатиб ўтамиз, Байден билан суҳбатдан сўнг Си Цзиньпин Германия канцлери Ангела Меркелга қўнғироқ қилган. Томонлар Афғонистон ва икки томонлама алоқаларни ривожлантиришга доир бир қанча масалаларни муҳокама қилган.
Насиба Тўхтаева
