Кети Паттен исмли аёл ўлимидан 45 дақиқа ўтгач ҳаётга қайтди
АҚШнинг Мериленд штатида тиббий мўъжиза юз берди: Кети Паттен исмли аёл клиник ўлимидан 45 дақиқа ўтгач ҳаётга қайтди, деб хабар беради “CBC Baltimor” телеканали.
Аёл қизининг кўзи ёриётгани учун касалхонага келди ва ўша ерда юрак хуружига учради. Реанимацияга ётқизилгач юраги 45 дақиқа давомида урмаган.
Бу вақтда эса унинг саккизинчи набираси дунёга келди. Қайта тирилган бемор тез орада ўзига келди ва Алора исмли янги туғилган чақалоқни қўлига олди.
Аёлнинг айтишича, у ухлаб қолиб қайта уғонгандек бўлган.
"Худо менга яшаш учун иккинчи марта имконият берди. Энди иложи борича яхшироқ яшашга ҳаракат қиламан", — дейди Кети Паттен.
Бундан аввал 73 ёшли, ҳаётининг 39 йилини комада ўтказган француз футболчиси Жан-Пер Адамс вафот этгани хабар қилинган эди.
Насиба Тўхтаева
