Дам олиш кунлари ҳарорат кескин пасайиши кутилмоқда
Эртага, 24 сентябрь куни Ўзбекистонда қуёшли ва жуда илиқ об-ҳаво сақланиб туради.
Термометр устуни кундуз кунлари 32-34° гача кўтарилади. Бу ушбу кунлар меъёридан 4-6° юқоридир.
Якшанба куни Республика ҳудудининг катта қисмида илиқ ҳаво массаларининг кириб келиши сақланиб туради. Кечаси ҳарорат 15-17°ни, кундуз куни эса 35-37°ни ташкил этади. Якшанбада Республиканинг шимолий ҳудудларига Волга бўйи ҳудудларидан салқин ҳаво кириб келиши бошланади. Кечга томон Қорақалпоғистон ва Хоразм вилоятининг баъзи жойларида бироз ёмғир ёғиши мумкин. Ҳаво ҳарорати кечаси 7-12°гача, кундуз куни 20-25°гача пасаяди.
Душанба куни салқин ҳаво Ўзбекистоннинг барча ҳудудига тарқалади. Келаётган ҳафтанинг биринчи ярмида кундуз куни ҳаво ҳарорати 23-27°, кечаси 12-15° атрофида бўлади.
26-27 сентябрь кунлари салқин ҳаво массасининг кириб келишида булутли қатламлар кўпаяди ва баъзи жойларда шамол 15-20 М/С гача кучаяди.
Ҳафтанинг иккинчи ярмида ҳаво ҳароратининг янада пасайиши кутилмоқда.
