Эльбрус тоғларида 5 турист ҳалок бўлди
Эльбрус тоғларидан 14 альпинист эвакуация қилинди. Бунга фавқулодда вазият сабаб бўлган.
24 сентябрь тонгида Нальчик шаҳрида 14 киши шифохонага ётқизилган. “Риа Новости” хабарига кўра, 5400 метр баландликда 23 кишилик туристлар гуруҳи бўронда қолиб кетган. Маълум бўлишича, шамол тезлиги секундига 60-70 метрни ташкил этган. Ҳаво ҳарорати эса минус 20 даража бўлган.
Ҳодиса оқибатида ҳозирга қадар 5 киши ҳалок бўлди. Қидирув операцияси 7 соатдан ортиқ давом этган. Қутқарилган туристларнинг деярли ҳаммаси турли даражада тан жароҳатлари олган. Шифокорларнинг сўзларига кўра, уларнинг ҳаётига ҳеч нарса хавф солмаяпти.
23 сентябрь куни бир гуруҳ алпинистлар Кабардин-Болқор Республикаси фавқулодда вазиятлар бошқармасига ёрдам сўраб мурожаат қилган. Кейинчалик маълум бўлишича, об-ҳаво кескин ёмонлашгани сабабли гуруҳ учга бўлинган ва тоғдан тушишга ҳаракат қилган.
Жаҳонгир Қўзиев
