Aфғонистондан эвакуация қилинганлар АҚШ ҳарбийларига ҳужум қилди
AҚШ аскарларининг айтишича, уларга Нью-Мексикодаги Форт Блисс армияси базаси яқинидаги Дона Анада вақтинча сақланаётган афғон қочқинлари ҳужум қилган. Аммо воқеанинг тўлиқ тафсилоти очиқланмаган. ФҚБ воқеа бўйича тергов иши олиб бормоқда.
Қўмондонлик базада хавфсизлик чоралари кучайтирилганини маълум қилган. Техасдаги Форт Блиссдан тахминан ярим соатлик масофада жойлашган Дона Aна мажмуаси ҳарбий полигон саналади. Лекин у яқинда Aфғонистондан эвакуация қилинганлар учун кенг чодирли лагерга айлантирилди.
Бундан аввалроқ “Толибон” ўлим жазосини тикламоқчи экани ҳақида хабар берилганди.
Насиба Тўхтаева
