Люк Бессон: Биз ёш ижодкорларга кино яратиш имкониятини тақдим этишимиз керак
“Ипак йўли дурдонаси” XIII Тошкент халқаро кинофестивали доирасида бугун, 2 октябрь куни таниқли француз кинорежиссёри Люк Бессон билан ижодий учрашув бўлиб ўтди.
Унда режиссёр фильмларининг яратилиши ҳақидаги хотиралари билан ўртоқлашди ва ёш киноижодкорларга ўз маслаҳатларини берди.
“Тошкент халқаро кинофестивалида иштирок этаётганимдан жуда ҳам мамнунман ва шуни айтмоқчиманки, фестиваль биринчи навбатда ёшлар учун. Биз ёш ижодкорларга кино яратиш имкониятини тақдим этишимиз керак. Эсимда, эндигина фильм суратга олишни бошлаганимда, якуний натижани фақатгина ота-онамга кўрсата олардим, Чунки фильмларимни таниқли киноижодкорларга баҳолаш учун кўрсатишнинг имкони йўқ эди.
Энди хоҳлаган киши қисқа метражли фильм суратга олиши, уни монтаж қилиши, интернетга юклаши ва шу орқали дунёга тарқатиши мумкин. Менимча, ёшлар жуда омадли, чунки ҳозир улар учун ҳар қандай имкониятлар мавжуд”, — деди у.
Учрашув давомида Люк Бессон ёшларга ўзининг керакли маслаҳатларини ҳам берди:
“Мен берадиган энг яхши маслаҳат — ўзингизга нисбатан тўғрисўз бўлинг. Юрагингиздан, қалбингиздан жой олган ишни қилинг. Ана шунда натижа инсонларга ёқади. Агар ҳикоянгиз яхши эканини билсангиз, таслим бўлманг. Мен ўз вақтида қанча рад жавобини олганимни билмайсиз. Сизнинг фильмингиз сизнинг ўзлигингизни акс эттириши керак. Ахир, экранда кўрсатиладиган ҳис-туйғулар ҳақиқийдир.”
Француз режиссёри ўзбек киноси ҳақида ҳам ўз фикрларини билдирди.
“Ўзбекистон ажойиб мамлакат. Ишонаманки, ўзбек кинематографиясининг фильмлари Канн кинофестивалида муносиб ўрин эгаллайди. Мен, албатта, уларни қачондир у ерда кўришга умид қиламан”.
Эслатиб ўтамиз, кинофестиваль бош ҳомийси: AGMK, NGMK вa “O‘zbekneftgaz”. Ҳамкор ҳомийлар: “O‘ZBEKTELEKOM”, “O‘zdonmahsulot” AK, “O‘zpromstroybank” ATB, “Ipoteka-bank” ATIB, “Asakabank” AJ, “O‘zbekiston temir yo‘llari”, “Hududgazta’minot”, “UzAuto Motors” AJ, “O‘zmetkombinat” AJ, “Milliy bank” AJ, “Farg’onaazot” AJ, “Eriell”, “Bosch” TM, “Easy Booking”.
Аввалроқ француз актёри Жерар Депардье, америкалик таниқли продюсер Боб Ван Ронкель ҳамда ҳинд актёри Гульшан Гровер Тошкент халқаро кинофестивалида иштирок этаётгани ва улар фестиваль ҳақидаги ўз фикларини билдирганди. Шунингдек, равшана куркова она шаҳрим — тошкентда февтиваль сабаб меҳмон бўлгани ҳақида хабар берилганди.
