Европа Иттифоқининг Украинада ҳарбий миссияси очилиши мумкин

 

 

Ушбу миссия EU Military Advisory and Training Mission Ukraine (EUATM–ЕИнинг Украинадаги ҳарбий-консультатив ва ўқув миссияси) деб аталади. “Welt” нинг таъкидлашича, бу Қримдаги вазият ва Украина чегаралари яқинида Россия ҳарбий фаоллигини ошираётган шароитда “Украина билан бирдамликнинг белгиси” бўлади. Нашрга келиб тушган ҳужжатда Киевнинг ҳарбий қудратини оширадиган бошқа усуллар ҳам келтирилган. Хусусан, 2014 йилдан буён фаолият юритаётган Украина фуқаро хавфсизлиги секторини ислоҳ қилиш бўйича Европа Иттифоқи маслаҳат миссиясини кенгайтириш таклиф қилинган.

 

Шунингдек, ҳарбий-ўқув миссиясини ташкил қилишни Украина мудофаа ҳамда ташқи ишлар вазирлари 2021 йил июлида Европа дипломатияси раҳбари Жозеп Боррелдан “махфий мактуб” орқали илтимос қилган.

 

Бундан аввал РФда Украина фойдасига жосуслик қилган Ўзбекистон фуқароси қўлга олингани  ҳамда Владимир Зеленский Жозеф Байден билан учрашгани хабар қилинганди.

 

Жаҳонгир Қўзиев