Франциянинг католик черковида 3 мингга яқин педофил хизмат қилгани аниқланди
Черков доираларида педофилияни ўрганган француз католик черкови мустақил комиссиясининг дастлабки ҳисоб-китобларига кўра, 70 йил давомида мамлакат католик черковида 2,9 мингдан 3,2 минггача педофил хизмат қилган.
Aгентликнинг аниқлик киритишича,комиссия икки ярим йилдан кўпроқ вақт давомида ўрганиш ишларини олиб борган, 1950 йилдан то ҳозирги кунгача бўлган даврни черков, суд ва полиция архивлари ҳамда гувоҳлар билан ўтказилган сўровлар асосида ўрганган.
Комиссия раҳбари Жан-Марк Саувнинг сўзларига кўра, тадқиқот черков аъзолари орасида 2,9 мингдан 3,2 минггача педофилни аниқлаган. У бундан ҳам кўпроқ бўлиши мумкинлигини истисно қилмаган.
Тўлиқ комиссия ҳисоботи 6 октябрь, сешанба куни эълон қилинади.
Аввалроқ фарғоналик 11 ёшли бола икки йил давомида амакиси томонидан зўрлаб келингани ҳамда қандай кимсалар педофил бўлиши мумкинлиги ҳақида хабар берилганди.
Муножат Валиева
