Ўзбекистон-Қозоғистон чегарасида янги божхона пости очилди
Ўзбекистон-Қозоғистон чегарасидаги "Bauirjan Konisbayev" божхона пости реконструкция қилинганидан сўнг очилди.
Бу ҳақда Sputnik Kazaxstan хабар берди.
Ўзбекистон ва Тожикистон мева-сабзавотларни Қозоғистоннинг божхона пости орқали Евроосиё иқтисодий иттифоқи (ЕИИ) мамлакатларига экспорт қилади.
Божхона постини реконструкция қилиш икки йил олдин бошланган. Постни реконструкция қилиш учун 35 миллион доллар ажратилган.
Натижада, божхона постининг юк машинаси ўтказувчанлиги 150 тадан мингтага оширилди.
Avvalroq, "Toshkent xalqaro aeroporti" чегара божхона пости ходимлари томонидан ноёб судралиб юрувчи жонзотларни олиб чиқишга уринган шахс тўхтатиб қолингани ҳамда Ўзбекистонда 6 та божхона пости тугатилгани ҳақида хабар берган эдик.
Муножат Валиева
