Алишер Қодиров сиёсатчини 50 фоиз одам танқид қилмаса у яхши сиёсатчи эмаслигини айтди
МТДП етакчиси Алишер Қодиров ижтимоий тармоқлардаги танқидларга изоҳ берди:
“Ҳақоратларга хафа бўлишга вақт сарфламайман. Танқидларни таклиф сифатида қабул қиламан. Ижтимоий тармоқ бугунги куннинг ҳам фойдали, ҳам хавфли қуролига айланди. Фикрлар тескари талқин қилиниши, мавҳум аккаунтлар уюштираётган муносабатлар, махсус ботлар - инсонларни манипуляция қилишга эришаяпти. Долзарб фикрларим, таклифларим четда қолиб, одамларни ғазабини келтирадиган провокацион контекстлардан фойдаланиш каби ҳолатлар тез-тез учрайди. Сиёсатчини кузатувчиларининг энг камида 50 фоизи танқид қилмаса, билингки у яхши сиёсатчи эмас!”
Шунингдек, депутут бугун сиёсатчининг олдида иккита йўл борлиги, улар танқидчилар билан келишиб, уларга ёқадиган гапларни гапирмасдан ёқмаса ҳам жамият ривожи учун курашиш тарафдорлигини билдириб ўтган. Қолаверса, у яна шу кунгача тармоқларда танқидга учраган бўлса ҳам, бирорта айтган гапимдан қайтмаслигини, фикрини ўзгартирмаслигини қайд этган.
Эслатиб ўтамиз, аввалроқ Алишер Қодиров талабал ундан ёрдам сўрашётгани ва эмланмаганларга қарши кескин чора кўришга чақиргани ҳақида хабар берилганди.
Чўлпоной Аҳмедова
