Эндиликда йўқолган буюмнинг эгаси топилмаса, уни топган шахс эгалик ҳуқуқини қўлга киритиши мумкин
Қайд этилишича, йўқолган ашёни топиб олган шахс бу ҳақда уни йўқотган шахсни дарҳол хабардор этиши ҳамда топилган ашёни шу шахсга қайтариши шарт.
Шунингдек, топилган ашё қайтарилишини талаб қилиш ҳуқуқига эга бўлган шахс номаълум бўлса, ашёни топиб олган шахс топилма тўғрисида ички ишлар органига, тегишли давлат органларига ёки фуқароларнинг ўзини ўзи бошқариш органига маълум қилиши шарт.
Агар йўқолган ашёни олишга ҳақли бўлган шахс топилма тўғрисида ички ишлар органига мурожаат қилса ёки тегишли давлат органига хабар қилинса, рўйхатга олинади. Ўша пайтдан эътиборан 6 ой мобайнида буюм эгаси аниқланмаса ашёни топиб олган шахс унга эгалик ҳуқуқини олади.
Шу билан бирга ашёни топиб олган шахс уни олишга ҳақли бўлган шахсдан топилма учун ашё қийматининг 20 фоиз миқдорда мукофот талаб қилишга ҳақлидир.
Эслатиб ўтамиз, аввалроқ энди маҳсулот сотиб олган ҳаридорга харид сўммасининг 1 фоизи қайтарилгани ҳақида хабар берилганди.
Чўлпоной Аҳмедова
