Янгиҳаёт туманидаги ёнғин оқибатида бир фуқаро вафот этди
Бугун, 11 октябрь куни соат 09:50 да Тошкент шаҳар Янгиҳаёт туманида жойлашган уйларнинг бирида ёнғин содир бўлди.
Бу ҳақда ФВВ хабар қилди.
Воқеа жойига 3 дақиқа ичида 4 та ёнғин-қутқарув экипажи етиб борган. Ёнғин соат 10:03 да қуршаб олинган ва соат 10:25 да бартараф этилган.
Ёнғин оқибатида уйнинг тахминан 20-25 кв.М. майдонда шифт ва ички қисми ёниб зарарланган.
Тезкор ҳаракатлар натижасида 6 нафар фуқаро қутқарилиб олинган. 1 нафар фуқаро кўрсатилган тиббий ёрдамга қарамай, ҳалок бўлган.
Ҳозирда ёнғиннинг келиб чиқиш сабаби ва моддий зарар миқдори аниқланмоқда.
Аввалроқ Юнусободдаги кафеларнинг бирида ёнғин содир бўлгани ҳамда Наманганда газ қуйиш шохобчаси ёниб кетгани ҳақида хабар берилганди.
