Британия парламенти мамлакатдаги биринчи локдауннинг кечиктирилиши жиддий хато бўлганини маълум қилди
Бу ҳақда парламент вакиллар палатаси маърузасида сўз боради.
“Коронавирусга қарши эмлаш дастури – бирлашган қироллик тарихидаги энг самарали ташаббуслардан бири, аммо биринчи локдаунни кечиктириш – жиддий хато бўлган”, – дейилади маърузада. Қайд этилишича, оммавий тест ва кузатув тизимлари бўлмаган шароитда локдаун эртароқ жорий этилиши керак эди. Аммо Британия ҳукумати хато йўлдан борган: расмийлар дастлаб оммавий иммунитет ҳосил қилиш керак деб ишонган.
Шунингдек, ҳукумат вакцина ишлаб чиқишни қўллаб-қувватлаб тўғри йўл тутгани таъкидланган. Парламент аъзолари фикрича, бирлашган қироллик бу соҳада барча давлатларни ортда қолдирди.
Бундан аввал Британия махсус хизматлари Россияни AstraZeneca таркибини ўғирлашда айблаб чиққанди. Шунингдек, коронавирус Ухань шаҳрида 2019 йилнинг ёзидаёқ тарқалган бўлиши мумкинлиги хабар қилинганди.
Жаҳонгир Қўзиев
