Филиппинда содир бўлган тўфон оқибатида 16 киши ҳалок бўлди, 11 киши бедарак йўқолди
Филиппиндаги Лузон ороли шимолида содир бўлган кучли тўфон оқибатида 9 киши ҳалок бўлди. Бу ҳақда "Inquirer" газетаси маълум қилди.
Бенгует провинциясида уч киши кўчки остида қолиб кетган, тўрт киши Палаван вилоятида сувга чўккан. Икки киши жароҳат олган, 11 киши эса бедарак йўқолган.
Тўфон оқибатида сув тошқинлари рўй берди, кўплаб қишлоқлар аҳолиси тошқиндан қочиб уйлари томига чиқиб олган. Расмийлар уларни хавфсиз ҳудудларга эвакуация қилишга ҳаракат қилмоқда.
Ҳозирда тўфон Хитойнинг Хайнан ороли томон қараб ҳаракатланмоқда.
Бундан аввал Хитойда рўй берган тошқин натижасида 15 киши ҳалок бўлгани ҳақида хабар берган эдик.
Насиба Тўхтаева
