Ўзбекистонда иккита миллий табиат боғи ташкил этилади
Вазирлар Маҳкамасининг “Юқори Тўпаланг ҳамда Боботоғ миллий табиат боғлари фаолиятини ташкил этиш чора-тадбирлари тўғрисида”ги қарори лойиҳаси эълон қилинди.
Қайд этилишича, Ўзбекистон Ўрмон хўжалиги давлат қўмитаси тизимида Сурхондарё вилоятида Юқори Тўпаланг ҳамда Боботоғ миллий табиат боғлари ташкил этилади.
Сурхондарё вилоятининг тоғ ва тоғолди ҳудудларда ноёб ва йўқ бўлиб кетиш хавфи остидаги ўсимлик ва ҳайвонот дунёси турлари, ўрмон ресурсларини муҳофаза қилиш, уларни такрор кўпайтириш, қайта тиклаш ҳамда Сурхондарё вилояти тоғ ва тоғолди ҳудудида экотуризмни янада ривожлантириш мақсад қилинган.
Табиат боғларига доимий фойдаланиш ҳуқуқи асосида бериладиган ер участкаларининг майдони, табиат боғларининг қўриқхона, рекреация ва хўжалик мақсадида фойдаланиш зоналари учун ажратиладиган ер майдонлари, табиат боғлари ижро этувчи аппаратининг тузилмаси тасдиқланади.
Юқори Тўпаланг ҳамда Боботоғ миллий табиат боғлари фаолиятини молиялаштириш Вазирлар Маҳкамасининг 2017 йил 19 июлдаги 530-сон қарори билан тасдиқланган Ўзбекистон Ўрмон хўжалиги давлат қўмитаси тўғрисидаги низом талабларига мувофиқ белгиланган шартларга асосан амалга оширилади.
Аввалроқ давлатимиз раҳбари Шавкат Мирзиёев "янги Тошкентни баҳаво жойда бунёд этамиз", - дея таъкидлаганди. Шунингдек, Сўғдиёна маҳалласининг Жалоир кўчасида, салкам 1 км масофада “бродвей” барпо қилиниши ҳақида хабар берилганди.
