Бокуда рўй берган ЙТҲда 20 киши жароҳатланди. Қурбонлар ҳам борлиги айтилмоқда
Бокуда юк машинаси ва йўловчи автобуси тўқнашуви оқибатида 20 киши жароҳатланди. Бу ҳақда мамлакат Соғлиқни сақлаш вазирлиги хабар қилди.
ЙТҲ бугун тонгда Ҳайдар Алиев номидаги аэропортга олиб борадиган йўлда юз берган.
ОАВ хабарига кўра, юк машинаси ҳайдовчиси рульда ухлаб қолган. Бошқарувни йўқотган машина йўловчи ташувчи автобусга келиб урилган. Автобус эса тўқнашув туфайли ағанаб кетган. Қурбонлар ҳам бор.
“ЙТҲ оқибатида 20 нафар жабрланган йўловчи Бокудаги иккита шифохонага олиб борилган”, — дейилади ССВ хабарида.
Аввалроқ Ксения Собчак ўтирган автомобиль Адлер яқинидаги катта трассада "Volkswagen" билан тўқнашгани ҳақида хабар берилганди.
Шарофат Маҳмудова
